Cangen Merched y Wawr Deudraeth
Croeso i gangen Merched y Wawr Deudraeth. Yma fe welwch wybodaeth am be sydd yn mynd ymlaen yn ein cangen ni. Os ydych angen unrhyw wybodaeth ychwanegol yna cysylltwch gyda ni.
Avatar Gwenda Paul

Hoffech chi ymuno gyda ni?  Cliciwch yma er mwyn ymaelodi.

Hoffech chi ymuno gyda ni?  Cliciwch yma er mwyn ymaelodi.

Cangen Deudraeth

Yn ystod y cyfarfod yr oedd gorchwyl drist iawn yn wynebu y llywydd Nefina sef, unwaith yn rhagor eleni , i gydymdeimlo â theulu dwy o’n haelodau a fu farw yn ystod y mis. Bu farw Mai Morris, ym Modawen ar ôl  cystudd hir. Bu Mai yn un o selogion y Gangen dros nifer fawr o flynyddoedd. Yna collwyd aelod annwyl arall sef  Nan Griffiths a fu farw bore y cyfarfod ym Mhenarth. Ymunodd Nan gyda Changen Deudraeth ar ôl dychwelyd i fyw i’r ardal ond bu hefyd yn aelod brŵd pan yn byw yng Nghaerdydd .

Ar destun hapusach braf oedd cael clywed fod y gangen wedi ei chanmol yn adroddiad y Cyfrifwyr yn y Cyfarfod Cenedlaethol ym Machynlleth am waith trylwyr y trysorydd yn dilyn archwiliad y cyfrifon . Diolch o galon i Menna wrth gwrs  – fe wyddom gymaint  o gymorth yw hi i ni fel Cangen a hynny ers nifer fawr o flynyddoedd.

John Dilwyn Williams o Benygroes oedd y gŵr gwâdd yng nghyfarfod mis Mai a chafwyd gwledd o sgwrs ganddo am Ystâd Glynllifon. Croesawyd ef gan Eurwen Langdown gan nodi ei fod yn wreiddiol o BenLlŷn ond yn byw bellach ym Mhenygroes. Dyma ddarlithydd sydd yn eich cyfareddu gyda’i wybodaeth am deuluoedd ac Ystadau Sir Gaernarfon a’r tro yma cawsom glywed am hanes teulu y cartref hanesyddol Glynllifon , eu cyfoeth a’u cartrefi drudfawr yn ogystal a stori hynod Maria Stella Petronilla,ail wraig Syr Thomas Wynn, Glynllifon sef yr Arglwydd Newborough cyntaf (1736-1807). Yn dilyn derbyn llythyr ar farwolaeth ei thad yn yr Eidal yn nodi nad oedd hi yn ferch gyfreithlon iddo anogodd hyn Maria Stella i ymchwilio ymhellach i geisio profi mai merch gyfreithlon i Philip Duc Orleans ydoedd a’i bod felly yn rhan o deulu brenhinol Ffrainc. Stori a hanner! Mae llyfr Gwen Pritchard Jones Pietá wedi ei selio ar yr hanes yma. Mwynhawyd y ddarlith yn fawr a bu llawer o holi ar y terfyn.

Nefina a John Dilwyn Williams yn mwynhau seibiant ar ddiwedd y ddarlith ar Stâd Glynllifon

Nefina a John Dilwyn Williams yn mwynhau seibiant ar ddiwedd y ddarlith ar Stâd Glynllifon

Yn ystod y cyfarfod hefyd dewisiwyd y pwyllgor am y flwyddyn 2017/18 a diolchwyd yn fawr i Nefina, Megan, Menna,Caryl  a Deilwen  a phwyllgor eleni am eu gwaith arbennig a dymunwyd yn dda i’r Pwyllgor newydd . Y swyddogion newydd fydd Catherine, Helen, Menna, Deilwen a Caryl a’r pwyllgor Marian, Megan,Nefina,Rita, Gwen, Eurwen a Gwenda. Diolch i Sulwen a Nia o Gangen Porthmadog am ddod atom i gyfrif y pleidleisiau.

Blaenorol Gweld pob cofnod Nesaf
  • Archif:

    • 2018

      • Blwyddyn Cyfan

      • Mehefin

    • 2017

      • Blwyddyn Cyfan

      • Ionawr

      • Mawrth

      • Ebrill

      • Mai

      • Gorffennaf

      • Hydref

    • 2016

      • Blwyddyn Cyfan

      • Medi

      • Hydref

      • Tachwedd

      • Rhagfyr

  • Cangen Deudraeth
    Rhanbarth Meirionnydd
    Man Cyfarfod: Neuadd Goffa, Penrhyndeudraeth
    7.00 Nos Lun olaf y mis

    2018
    Medi 24ain - 'Byw a Bod yn Bwydo' gan Margaret Brychyni
    Hydref 29ain - 'Cadw Trefn a Chadw'n Ddiogel' gyda PCSO Paula Stewart
    Tachwedd 26ain - Noson yng nghwmni yr Amryddawn Alun Ffred
    Rhagfyr 10fed - Cinio Nadolig yng Ngwesty'r Heliwr (12.00-12.30)

    2019
    Ionawr 28ain - 'Mentro' gyda Mirain Gwyn
    Chwefror 25ain - Noson y Dysgwyr, cyfle i chwarae gêm 'Chwilen' a sgwrsio
    Mawrth 25ain - 'Mwynhau Talentau Ieuenctid y Fro' gyda Band Pres John Glyn Jones
    Ebrill 29ain - Eirlys Jones Roberts yn 'Dysgu Cerdd-Dramor'
    Mai 20fed - 'Hwyl ar Ganu gydag Ysgolion y Fro'
    Mehefin 3ydd - Taith yr Haf i'r Gerddi Bodnant

    Hoffech chi ymuno gyda ni?  Cliciwch yma er mwyn ymaelodi.

    Officer Photo
    Ysgrifennydd:
    Gwenda Paul
    Tŷ Fry. Penrhyndeudraeth, Gwynedd LL48 6RT
    01766 770 500
    Officer Photo
    Llywydd:
    Mona Hughes
    Hafren, Ffordd Pencefn, Dolgellau, Gwynedd LL40 2ER
    01341 423 200
    Officer Photo
    Ysgrifennydd:
    Eirian Roberts
    Rhydyrefail, Y Parc, Y Bala, Gwynedd LL23 7YP
    01678 540 310
    Officer Photo
    Trysorydd:
    Bethan Edwards
    Perthi, 5 Cae Gwalia, Llanuwchllyn, Y Bala, Gwynedd LL23 7NA
    01678 540 601
    Officer Photo
    Swyddog Hyrwyddo/Datblygu Canghennau:
    Freda Jones Williams
    Gogledd Orllewin Cymru a Maldwyn Powys
    01678 521 883