Cangen Merched y Wawr Y Fali
Croeso i gangen Merched y Wawr Y Fali. Yma fe welwch wybodaeth am be sydd yn mynd ymlaen yn ein cangen ni. Os ydych angen unrhyw wybodaeth ychwanegol yna cysylltwch gyda ni.
Avatar Ann Huws

Hoffech chi ymuno gyda ni?  Cliciwch yma er mwyn ymaelodi.

Hoffech chi ymuno gyda ni?  Cliciwch yma er mwyn ymaelodi.

Y Fali yn Dathlu 40ain

Yn Gorffennaf 2019, cynhaliwyd cyfarfod arbennig iawn ym mwyty’r Black Lion, Llanfaethlu i ddathlu penblwydd cangen Y Fali yn 40 oed. Pleser mawr oedd dod at ein gilydd am de prynhawn i ddathlu’r achlysur, ac heb oedi ‘run eiliad, ymdaflodd yr aelodau i’r gloddesta. Roedd brechdanau blasus o bob math, sosej rôls, quiches, sgons – efo hufen a jam wrth gwrs – a theisennau moethus i’w mwynhau. Beth allai fod well !

Wedi’r gwledda, cawsom drosolwg brwd a bywiog o fywyd y gangen dros y 40 mlynedd diwethaf gan y llywydd, Olwen Williams. Yna cododd Valmai Jones i adrodd hanes cyffrous y gwragedd a’r mamau ifanc aeth ati i sefydlu’r gangen ‘nôl yn 1979, ac fe’n swynodd gydag atgofion hapus o hwyl a rhialtwch y cyfarfodydd cynnar hynny.

Trosglwyddwyd yr awennau i Barbara Jones a daeth hithau ymlaen i roi peth o hanes mwy diweddar y gangen a’i haelodau. Datgelodd iddi, rhai blynyddoedd yn ôl, baratoi capsiwl amser yn amlinellu datblygiad y gangen, a derbyniodd pawb gopi o’r ddogfen lliwgar ganddi. Melys oedd syllu eto ar y lluniau ac ymgolli yn yr atgofion a lifai drosom yn don ar ôl ton.

Yna daeth Audrey Owen, aelod ffyddlon a chyn-lywydd gweithgar, ymlaen i ddiolch i bawb am eu cyfeillgarwch, eu ffyddlondeb a’u hymroddiad dros y blynyddoedd, ac i staff y bwyty am sicrhau gwledd byth-gofiadwy.

Coronwyd y prynhawn gyda’r seremoni o dorri’r deisen penblwydd hardd, a rhannwyd tamaid swmpus i bawb. Gyda gwydriad o prosecco yn ei dwrn (rhodd caredig gan Olwen Williams) cododd pob un i gynnig llwnc-destun i’r gangen, i’r aelodau ac i’r dyfodol. Yna, gyda wynebau llon a boliau llawn aeth pawb adref yn hapus, i fwynhau haf o heulwen a gydag addewid brwd i ail-gyfarfod ym mis Medi.

Aelodau Cangen Y Fali yng ngardd y bwyty

Gwyneth Hewitson, y Trysorydd, Olwen Williams, y Llywydd a Ann Huws, yr Ysgrifennydd yn torri’r deisen

 

Blaenorol Gweld pob cofnod Nesaf
  • Archif:

    • 2019

      • Blwyddyn Cyfan

      • Gorffennaf

    • 2016

      • Blwyddyn Cyfan

      • Ionawr

    • 2015

      • Blwyddyn Cyfan

      • Ionawr

      • Chwefror

      • Gorffennaf

  • Cangen Y Fali
    Rhanbarth Môn
    Man Cyfarfod: Neuadd Capel Tabor
    7.30 Nos Lun 1af y mis

    Medi 3ydd - @Merched y Gweini: Ynys Mon yn y 19eg Ganrif' gyda Annie Williams
    Hydref 1af - Gerallt Llewelyn Jones; 'Llys Llewelyn a Menter Gymuned ym Mon'
    Tachwedd 5ed - Addurniadau'r Nadolig gyda Eirian Isfryn
    Rhagfyr 3ydd - Dathlu'r Nadolig ym mwyty'r Angorfa

    2019
    Ionawr 7fed - Gyrfa Chwilen dan ofal Gwyneth Hewitson
    Chwefror 4ydd - Crefftau'r Gangen
    Mawrth 4ydd - Dathlu Gŵyl Ddewi yng nghwmni Bet Jones
    Ebrill 1af - 'Taith i Bhutan' gyda Enid Jones
    Mai 1af - Noson yng nghwmni Gwen Davies yn trafod 'Bywyd Optegydd'
    Mehefin 3ydd - Trefnu rhaglen 2019-2020
    Gorffennaf 1af - Melin Llynon

    Hoffech chi ymuno gyda ni?  Cliciwch yma er mwyn ymaelodi.

    Officer Photo
    Ysgrifennydd:
    Ann Huws
    Penmorfa, 9 FforddPendyffryn, Y Fali, Ynys Môn LL65 3DY
    01407 740 091
    Officer Photo
    Llywydd:
    Gladys Pritchard
    Crud yr Awel, 6 Llainfain, Llaingoch, Caergybi, Ynys Mon LL65 1NF
    01407 726 090
    Officer Photo
    Ysgrifennydd:
    Catherine Jones
    Clwch, Lon Tarw, Porth Llechog, Amlwch, Ynys Mon LL68 9SS
    01407 831 420
    Officer Photo
    Trysorydd:
    Margaret Roberts
    Bryn Ael, PEncarnisiog, Ty Croes, Ynys Mon LL63 5SA
    01407 810 658
    Officer Photo
    Swyddog Hyrwyddo/Datblygu Canghennau:
    Freda Jones Williams
    Gogledd Orllewin Cymru a Maldwyn Powys
    01678 521 883